Yüksək texnologiyalar nəslinə sən də qoşul!

Müraciət et

Layihə haqqında

IBA Tech Akademiyası – Azərbaycan Beynəlxalq Bankının Korporativ Sosial Məsuliyyət layihəsidir. İsrail-Ukrayna şirkəti olan “DAN IT” təhsil mərkəzi bu layihənin reallaşdırılmasında banka metodoloji dəstək göstərir. Təlimlər İsrailin məşhur TELEM metodu əsasında aparılır.

Hazırda Akademiya proqramlaşdırmanın əsas istiqamətləri üzrə intensiv bootcamp proqramları təşkil edir. Bu proqram çərçivəsində namizədlər Akademiyaya 4 seçim mərhələsini keçməklə qəbul olunur, burada IT sahəsində bilik və bacarıqlar qazanırlar.

Təhsil ödənişsizdir.

Akademiyanın missiyası Azərbaycanın informasiya texnologiyaları bazarının beynəlxalq standartlara və gələcəyin texnoloji çağırışlarına uyğun inkişafına dəstək vermək və yeni nəsil peşəkarlara bu perspektivli əmək bazarında yeni imkanların yaradılmasına dəstək verməkdir.

Nə təklif edirik?

IBA Tech Akademiyasında təhsil – hazırda dünyanın ən populyar peşəsi sayılan yüksək texnologiyalar mütəxəssisi kimi yetişərək əmək bazarında bu sahə üzrə öz potensialını reallaşdırmaqdan ötrü gözəl şansdır.

Akademiyada təhsil almaq özünü proqramlaşdırma sahəsində sınamaq istəyən hər kəsə bu cür imkanlar yaradır. Hətta indiyə qədər kodların yazılması ilə bağlı heç bir anlayışı olmayanlar üçün də bu, yaxın gələcəkdə əsl proqramçı kimi yetişmək üçün əla fürsətdir.

Hazırda Azərbaycanda yüksək texnologiyalar sahəsi sürətlə inkişaf etməkdədir. Bu sahənin birinciləri sırasında yüksək texnologiyalar dünyasını kəşf etmək və ölkənin əmək bazarında ən tələb olunan mütəxəssislərdən olmaq şansını qaçırma.

modal-btn-close.png

Azərbaycan Beynəlxalq Bankı

Azərbaycan Beynəlxalq Bankı 10 yanvar 1992-ci ildən fəaliyyət göstərir. Müasir dövlət bankı olan Azərbaycan Beynəlxalq Bankı hazırda aktivlərinin həcminə, müştəri bazasına və beynəlxalq əməliyyat portfelinə görə Cənubi Qafqaz regionunun ən aparıcı banklarından biridir. Azərbaycanın müxtəlif regionlarını əhatə edən 37 filial və 39 şöbəsi ilə bank fərdi və korporativ müştərilərə universal bank xidmətləri göstərir. Bankın xidmət etdiyi hüquqi şəxslərin sayı 16500, fiziki şəxslərin sayı isə 1.3 milyondan çoxdur.

Bank neft-kimya, nəqliyyat-kommunikasiya, energetika və s. sahələrdə reallaşdırılan irimiqyaslı dövlət layihələrində, sosial proqramlarda yaxından iştirak edir. Eyni zamanda iri, kiçik və orta sahibkarlıq fəaliyyətinin maliyyələşdirilməsinə dəstək verir. Ölkədə pensiya və əmək haqqı ödənişlərinin plastik kartlarla ödənişi ilk dəfə bu bank tərəfindən həyata keçirilmişdir. Azərbaycanın ilk prosessinq mərkəzi olan AzeriCard da 1996-cı ildə ilk dəfə məhz Azərbaycan Beynəlxalq Bankı tərəfindən yaradılmışdır.

SWIFT və Reuters-in üzvü olan Azərbaycan Beynəlxalq Bankı hazırda ölkə üzrə ən böyük ATM şəbəkəsinə malik olan və ən çox beynəlxalq ödəniş sistemi ilə (VISA, Mastercard, American Express, Union Pay, Diners Club, JCB) əməkdaşlıq edən bankdır.

Bu bank müştərilərə “American Express” ödəniş kartlarını təklif edən, həmçinin JCB kartları ilə əməliyyat imkanı yaradan ilk və yeganə Azərbaycan Bankıdır. Hazırda bankın aktiv ödəniş kartlarının sayı 1 milyon 300 mindən çoxdur. “VİSA PayWave”, “Mastercard PayPass”, NFC ödəniş texnologiyalarını ölkəmizdə ilk dəfə məhz Azərbaycan Beynəlxalq Bankı tətbiq etməyə başlamışdır.

VISA ilə tərəfdaşlıq çərçivəsində “Sıfır məsuliyyət” (Zero liability) siyasətinin tətbiqi də ölkəmizdə yeganə olaraq Azərbaycan Beynəlxalq Bankının adı ilə bağlıdır.

Rusiya ərazisində bankın törəmə bankı olan “Azərbaycan Beynəlxalq Bankı – Moskva” fəaliyyət göstərir.

Dünyanın nüfuzlu maliyyə nəşrlərindən olan “Euromoney” jurnalı 2019-cu ildə Azərbaycan Beynəlxalq Bankını ölkədə ilin ən yaxşı bankı seçib.

Azərbaycan Beynəlxalq Bankının əsas missiyalarından biri bank sektorunda innovativ texnologiyaların geniş tətbiqidir. Ona görə də 2019-cu ilin sentyabrından bank özünün yeni Korporativ Sosial Məsuliyyət layihəsi çərçivəsində IBA Tech Akademiyasını yaradıb.

veb səhifəsinə keçin
modal-btn-close.png

DAN.IT education

DAN.IT education təhsil mərkəzi 2017-ci ildə Kiyevdə İsrailin IT təhsili modelində yaradılıb. Mərkəzdə tədris İsrailin məşhur TELEM metodikası əsasında aparılır. Bu metodun əsas prinsipləri tədrisə mərhələli yanaşma, tələbəyə mentor köməyi və intensiv məşğələlərdir.

DAN.IT tələbələrin seçiminə uyğun olaraq onlara Full Stack, FrontEnd, Interaction (UI / UX design), Digital Marketing proqramlarını öyrədir. Burada uşaq və yeniyetmələr üçün proqramlaşdırma kursları da təşkil olunur. 2019-cu ilin avqustunda isə mərkəz yeni bir kursun – Software Engineering-in tətbiqinə başlayıb. Kurslardan əlavə, burada Ukrayna və xaricdən dəvət edilmiş ekspertlərin iştirakı ilə həftəlik seminar və vorkşoplar da təşkil edilir. IT-sənayesində çalışan bu mütəxəssislər öz təcrübələrini iştirakçılarla bölüşürlər.

Mərkəzə Ukrayna və bir çox beynəlxalq İT kompaniyaların nümayəndələrindən təşkil olunmuş Müşahidə Şurası dəstək verir. Müşahidə Şurası, real sifarişçilər tələbələri öz ideyalarını reallaşdırmağa, layihələr hazırlayaraq təqdim etməyə, “soft skills” vərdişlərini inkişaf etdirməyə dəvət edir.

Ukraynada DAN.IT education mərkəzinin açılmasının təşəbbüskarı İsraildə fəaliyyət göstərən John Bryce Training məktəbləri şəbəkəsidir. İsrailin əmək bazarı üçün yüksək texnologiyalar sferası üzrə mütəxəssislərin 70 faizini bu məktəb hazırlayır. Kiyevdə yaradılmış tədris mərkəzi də çox yüksək nəticələrə malikdir. Belə ki, iki tədris ilində hazırlanmış 1000-dən artıq məzunun 73 faizindən çoxu işlə təmin olunub. Yaxın gələcəkdə DAN.IT education-in əsas planları yeni proqramlar təqdim etmək, Ukraynada filial şəbəkəsini genişləndirmək, Minskdə və Belarusun başqa bölgələrində layihələr reallaşdırmaqdır.

veb səhifəsinə keçin

Tələbələr nələr əldə edəcəklər?

1

3 aylıq intensiv təlimlər sayəsində yeni ixtisasa yiyələnəcəklər

2

istiqamətindən biri üzrə tam peşəkar vərdişlər qazanacaqlar

3

İşəgötürənlər üçün cəlbedici portfolio və rezüme hazırlamaqdan ötrü vacib bilik və bacarıqlara malik olacaqlar

4

Özlərini və layihələrini təqdim etməyi öyrənəcəklər

5

Soft-skills vərdişlərini inkişaf etdirəcək, özgüvən qazanacaqlar

6

Beynəlxalq təcrübəni, xarici kampaniyaların keyslərini mənimsəyəcək, maraqlı nümunələrlə tanış olacaq və gələcək karyeraları üçün faydalı məsləhətlər alacaqlar

7

Xüsusi fərqlənən məzunların yeni ixtisasları üzrə işə düzəlmələrinə kömək göstəriləcək

İxtisaslaşma

Cyber Security&Sysadmin

Kibertəhlükələr İT mühitində getdikcə artan problemə çevrilir. Ona görə şəbəkə təhlükəsizliyi mütəxəssislərinə tələb də artır. Bu perspektivli ixtisasa yiyələnənlərdən biri də Siz ola bilərsiniz. “Kiber təhlükəsizlik & Sysadmin” kursu məlumatların qorunmasını təmin edəcək kadrların hazırlanması üçündür.

Ətraflı

Data Analytics

Texniki baza biliklərinə malik olan və biznes-analitika, məlumat analizi sahəsində peşəkar inkişafa çalışan hər kəs üçün bu kurs çox uyğundur.

Qəbul zamanı kompüter elmləri ilə tanışlığı olan tələbələrə üstünlük veriləcək. Proqram modulları server bazası və texniki xidmətdən başlamış məlumatların qorunması konsepsiyası və əsas hesabat alətlərinə qədər müxtəlif istiqamətləri əhatə edəcək.

Ətraflı

FrontEnd

FrontEnd – internet saytının, yaxud mobil tətbiqin görünən hissəsidir.

Əgər Sizə interfeyslərlə və JavaScript proqramlaşdırma dilləri ilə iş maraqlıdırsa, onda bu istiqaməti seçməyiniz tövsiyə olunur.

Ətraflı

BackEnd

BackEnd – saytın və mobil tətbiqin server və verilənlər bazası ilə bağlı hissəsidir. Bu istiqamət üzrə təhsil alan tələbələr Java dili ilə məşğul olacaqlar.

Əmək bazarında bu sahənin mütəxəssislərinə xüsusilə az təsadüf edildiyindən BackEnd istiqamətinə bazarda tələbat daha böyükdür.

Ətraflı

Mobile App Development

Son xəbərləri oxumaq, gələn mesajları yoxlamaq üçün səhər smartfonumuzu açdığımız ilk anlardan mobil tətbiqlərlə qarşılaşırıq. Belə tətbiqlər yarada bilmək hər bir proqramçı üçün çox vacibdir. Çünki müasir dövrdə bu istiqamət proqramlaşdırmanın ən çox inkişaf etmiş sahələrindəndir.

Ətraflı

Müəllimlər və mentorlar

Aleksey Rikalski

Lead solution architect

Kiyev Politexnik Universitetini bitirib. Proqramlaşdırma fəaliyyətinə hələ 1987-ci ildən başlayıb. 1991-ci ildə sifariş əsasında özünün ilk proqramını yazıb. 1998-ci  ildə o, artıq Basic, Assembler, Fortran, Pascal, Modula2, C, C++, Delphi kimi proqramlaşdırma dillərini bilirdi. Hazırda Scala, Java, TypeScript, JavaScript, and Elixir proqramları üzrə işləyir. Bankçılıq, Sənayenin Avtomatlaşdırılması, Call-centr, Contact-Center və s. onun maraq dairəsinə daxildir.

Nikita Yamnik

Full Stack web developer

Xarkovda audio-kinotexnika ixtisası üzrə təhsil alıb. Məzun olduqdan sonra Kiyevə gəlib. Texniki sferada fəaliyyət göstərmək istədiyindən Java Full Stack proqramlaşdırma kursunu bitirib. Uzun müddət mentor kimi çalışıb. Daha sonra isə kommeriya layihələri və koordinasiya məsələləri ilə məşğul olub. Hazırda DAN.IT təhsil mərkəzinin texniki meneceridir.

Dimitriy Zapisoçnıy

Senior frontend developer in MaFactory

Kiyev Politexnik İnstitutunu “Redaktə və nəşriyyat işi” ixtisası üzrə bitirib.  Təhsil müddətində texniki biliklərə də yiyələnib. Qısa  müddətdən sonra isə özünün veb-studiyasını açıb. Son 5 ildə samboya və psixologiya sahəsində ədəbiyyat mütaliəsinə maraq göstərir.

Tədris proqramı

Metod

Təlimlər İsrailin məşhur TELEM metodu əsasında aparılır, hər bir tələbəyə yanaşma fərdi və kompleks olur:

Namizəd universal testlərdən və şifahi müsahibədən keçir

Tələbənin maraq profili müəyyənləşir, güclü və zəif tərəfləri təhlil edilir, motivasiyası nəzərə alınır

Əvvəlcə baza vərdişlər, daha sonra texnologiya konsepti və təcrübə əsasında konkret texnologiyalar öyrədilir

Layihə işi, maksimum təcrübə, minimum nəzəriyyə əsas prinsip kimi qorunur

Tədris prosesində oxu materialları və konspektlərdən istifadə edilmir – yalnız müxtəlif çətinlik dərəcəsində məsələlərin həlli tapşırılır

Akademiya mentor sistemini tətbiq edir - tələbələr daimi dəstəyə malik olur

Tələbələr qazandıqları bilik və bacarıqları möhkəmləndirməkdən ötrü təcrübi layihələr yerinə yetirirlər

Proses

Tələbələr qrupa bölünəcək. Hər qrup proqramlaşdırmanın fərqli istiqaməti üzrə 3 aylıq intensiv təlim keçəcəklər.

Bütün müəllimlər IT sahəsində və “DAN.IT” təhsil mərkəzində, ən azı, 10 illik iş təcrübəsinə malik peşəkar mütəxəssislərdir. Tələbələrlə kurs mentorları da məşğul olacaqlar.

Mentorların əsas vəzifəsi tələbələrin tədrisin texniki hissəsinə aid suallarına cavab verməkdir. Mentor və müəllimlər sərbəst vaxtlarında tələbələrin bütün suallarını cavablandıracaq, onların materiallar üzərində işləmələrinə kömək göstərəcəklər.

Hər bir qrupun kurs koordinatoru olacaq. Təlim qrafiki, kurs cədvəli, lazımi şəraitin təmin olunması, texniki təchizat və s. məsələlərə görə onlar cavabdehlik daşıyacaqlar. Tələbələr maddi-texniki və motivasiya məzmunlu məsələlərlə bağlı onlara müraciət edə bilərlər.

Təlimlərdə xüsusi fərqlənən məzunların tədris müddətinin sonunda işlə təmin olunmasına kömək göstəriləcək.

Qəbul mərhələləri

1

Qeydiyyat

Namizəd ərizə formasında özü haqqında lazımi məlumatları göstərməli, eyni zamanda bir neçə suala cavab verməlidir.

2

Texniki test

Növbəti mərhələyə keçən namizədlərin texniki bilik və bacarıqları yoxlanır. Belə bir testləşdirmə namizədin proqramlaşdırma üzrə sadə texniki tapşırıqları yerinə yetirmə qabiliyyətini müəyyən etməyə imkan verir.

3

Adam Milo testi

Bu mərhələdə namizədlər məntiqi təfəkkür qabiliyyətinin yoxlanması üçün Adam Milo testindən keçir. Belə bir test namizədin verilmiş tapşırıqları icra etmə, dəqiq və aydın düşüncə, detallara diqqət qabiliyyətini yoxlamağa kömək göstərir.

4

Müsahibə və kurslara qəbul

Sonuncu mərhələdə təlim təşkilatçıları tərəfindən namizədlərlə müsahibə aparılır. Müsahibə onlayn formatda həyata keçirilir. Hər bir gələcək tələbə özü haqqında ətraflı danışır, komissiya onun təlimlərə fərdi marağını dəyərləndirir.

Ərizə göndər

Gmail poçt ünvanı daha məqsədəuyğundur

IBA Tech Akademiyası qrafik və dərs cədvəlində dəyişiklik etmək hüququna malikdir

BəliXeyr

Hörmətli namizəd!

Çox təəssüf ki, proqramımıza qəbul 29 fevral 2020-cu il tarixindən etibarən başa çatıb. :(

Sizi IBA Tech Akademiyasının növbəti proqramlarında səbrsizliklə gözləyirik.

Tez-tez verilən suallar

Namizəd Azərbaycan vətəndaşı olmalıdırmı?
Bəli. Bu təhsil proqramı sosial xarakter daşıdığından yalnız Azərbaycan Respublikasının vətəndaşları üçün nəzərdə tutulub.
Proqrama qəbul üçün yaş məhdudiyyəti varmı?
18 yaşı tamam olmuş hər kəs qəbul üçün onlayn ərizə göndərə bilər. Əsas meyar təhsil arzusu və yüksək həvəsin olmasıdır. Seçim zamanı ali və orta ixtisas təhsili müəssisələrinin yeni məzunlarına, eləcə də sonuncu kurs tələbələrinə müəyyən üstünlük veriləcək.
Namizəd hansı biliklərə malik olmalıdır?
Təlimlərə proqramçı olmaq istəyən şəxslər qoşula bilər. Bununla belə kodlaşdırma ilə bağlı əlavə hər hansı bilik və bacarıq namizədin üstünlüyüdür.
Təlimlərə onlayn qoşulmaq olarmı?
Bootcamp-proqramlar offlayn qaydada keçirildiyindən, bu, mümkün deyil. Tədrisin effektivliyi üçün tələbə təlimlərdə birbaşa iştirak etməlidir.
Proqram ödənişlidirmi?
İBA Tech Akademiyasında təhsil ödənişsizdir. Çünki bu Akademiya Azərbaycan Beynəlxalq Bankının sosial proqramı çərçivəsində fəaliyyət göstərir.
Tədris müddəti nə qədərdir?
Tədris proqramının müddəti 3 aydır.
Tədris hansı dildə aparılacaq?
Tədris ingilis dillərində aparılacaq.
Təlim haqqında suallar və əlavə kömək üçün kimə müraciət edə bilərəm?
Ərizələrin qəbulu və seçim mərhələsində suallarınızla Azərbaycan Beynəlxalq Bankının 937 nömrəli Məlumat Mərkəzinə müraciət edə bilərsiniz. Tədris müddətində isə hər bir qrup üzrə müəyyən edilmiş mentorlar və kurs koordinatorları sizi maraqlandıran bütün suallarınızı cavablandıracaqlar.
Bank əməkdaşları proqramda iştirak edə bilərmi?
Azərbaycan Beynəlxalq Bankının, eləcə də digər bankların əməkdaşları bu proqramda iştirak etmir.
Əvvəlki qəbulda iştirak etmiş, lakin imtahandan keçməmiş namizədlər yenidən iştirak edə bilərmi?
Bəli, hər zaman müraciət etmək olar. Amma bu zaman əlaqə məlumatlarınızı yalnız 1 dəfə təqdim etməlisiniz ki, qarışıqlıq yaranmasın.
Akademiyada təhsilini artıq başa vurmuş namizədlər başqa bir proqrama müraciət edə bilərmi?
Təəssüf ki, xeyr. Bu ödənişsiz təhsil proqramına qoşulmaq istəyən çox insan var. Buna görə də əvvəlcə hansı kursu seçmək istədiyinizə konkret qərar verməyi və bu istiqamətdə inkişaf etməyi məsləhət görürük.
Tədris proqramlarının cədvəli necədir?
Qrupların formalaşdırılmasından əvvəl tələbələrlə müsahibə aparılır. Dərs cədvəli əksəriyyətin seçiminə əsasən hazırlanır.